ကဲ....ဘယ်လိုလုပ်မလဲ ဒါတွေပဲဖတ်ဖြစ်နေတော့.........ခက်ပြီ

ကျမဒီရက်ထဲစာအုပ်တွေ၊ဂျာနယ်တွေ၊မဂ္ဂဇင်းတွေ တော်တော်များများဖတ်ဖြစ်ပါတယ်။

သေသေချာချာ ကြိုးစားပြီး ဖတ်ဖြစ်တာက ချယ်ရီ ဒီဇင်ဘာထုတ်ပေါ့...။
လက်ထဲစရောက်လာထဲက ဖတ်လိုက်တာ3 ရက်လောက်ရှိနေပြီ....။
အဲ့ဒိစာအုပ်ထဲက ပြန်လည်ပြောပြချင်လောက်အောင် ဖတ်ဖြစ်ခဲ့တဲ့ စာက
ရသစာပေမှေးမှိန်လာရခြင်းအကြောင်းများကို ဆရာ အောင်သင်း၊ဆရာ လူထုစိန်ဝင်း..နဲ့ နောက်ထပ်ဆရာတစ်ယောက်(ကျမသေချာမမှတ်မိလို့ပါ)တို့ကိုမေးထားတာတွေပါ...
အင်တာဗျုးတဲ့သူကလဲ တကယ့်အနှစ်သာရတွေကိုပဲ ထုတ်မေးတတ်သလို
ဖြေတဲ့ဆရာတွေရဲ့ အဖြေတွေကလဲ ပြည့်စုံလွန်းတော့ သူတို့ သုံးယောက်ရဲ့
အင်တာဗျူးတွေကိုဖတ်လိုက်ရတာဟာ နောက်ထပ်သုံးရက်လောက် ဘာမှမလုပ်ပဲထိုင်ပြီး
စဉ်းစားနေချင်ရလောက်အောင်ကိုပဲ အတွေးတွေပွားစေပါတယ်....။ဗဟုသုတတွေလဲ တနင့်တပိုးရခဲ့ပါတယ်...။

ကျမမှတ်မိသလောက်ပြန်လည်ပြောပြချင်ပါတယ်...........။
ရသစာပေပြန်လည်နာလန်ထူရေးအတွက် အယ်ဒီတာ၊၀တ္ထုရေး စာရေးဆရာများအပြင်.....
စာဖတ်ပရိတ်သတ်များမှာပါ တာဝန်ရှိကြောင်းနဲ့
ရသစာပေမှေးမှိန်တယ်ဆိုတာဟာ အခိုက်အတန့်သာဖြစ်ကြောင်း.....
ဆရာကြီးများက ပြောဆိုသွားခဲ့ပါတယ်...
သုံးယောက်လုံးမှာ စာဖတ်ပရိတ်သတ်မှာတာဝန်ရှိကြောင်းဆိုတဲ့နေရာမှာ
စာဖတ်သူတွေ ဘာလို့စာဖတ်အားနည်းသွားကြတာလဲ ဆိုတာ....
အင်တာနက်တွေ အရမ်းခေတ်စားလာလို့...ဒါ့အပြင် တခြားသောနည်းပညာ entertainment
တွေ လူထုကြားတွင်ကျယ်လာမှု စတာတွေလဲ ပါပါတယ်...ဒါပေမယ့် ဒါကလဲအခိုက်အတန့်ပါပဲတဲ့။

ဒါကိုတော့ ကျမအပြည့်အ၀လက်ခံပါတယ်...နည်းပညာဆိုတာက
ကျမတို့အတွက်တော့ လိုက်လို့လိုက်လို့အားမရနိုင်အောင် များပြားလွန်းနေတယ်မှုတ်လား။
ကြာလာရင် ရိုးသွားနိုင်တယ်လို့ ကျမတော့ ထင်ပါတယ်...။ဒါကလဲ အခိုက်အတန့်သာ...။

ဒါပေမယ့် နောက်ကျန်နေသေးတဲ့တစ်ချက်ကတော့ အကြောင်းအရာတစ်ခုထဲကိုပဲ
ပုံချလို့မရပါဘူးတဲ့........။အကြောင်းအမျိုးမျိုးကြောင့်သာလျင် ရသစာပေမှေးမှိန်နေရခြင်းပါတဲ့....

ဒါ့အပြင် စာဖတ်ပရိတ်သတ်တွေဆိုဟာ ရသစာပေတွေမထွက်လာလို့သာ မဖတ်ကြတာပါတဲ့...
မထွက်လာတော့ အခါခါပြန်ပုံနှိပ်နေတဲ့ ဆရာကြီးရွှေဥဒေါင်းတို့၊မဟာဆွေတို့...နတ်နွယ်တို့ စာအုပ်တွေကို
7000 ကျပ်လောက်ထိတောင်ပေးပြီး ဖတ်နေကြတာပါ...တဲ့..
စိတ်တွေငြိမ်းချမ်းအောင်လို့ ဆရာတော်ကြီးတွေရဲ့စာအုပ်တွေဖတ်နေကြတယ်တဲ့...။

သိပ္ပံနဲ့ဝိဇ္ဖာမှာ သိပ္ပံကလူတွေကိုတိုးတက်စေပြီး ၀ိဇ္ဖာကလူတွေကိုယဉ်ကျေးစေတယ်တဲ့..။
ဒါကြောင့် လူတွေသည် ရသစာပေဖတ်ဖို့လိုအပ်တယ်တဲ့...။

ဒါဟာ အမှန်တရားပါပဲ............ကျမတို့တွေငတ်ကြတာ...ရသစာပေကိုငတ်နေကြတာပါ....။
ကဲ ထားလိုက်ကြပါစို့ရဲ့...ဦးတည်ချက်များလွဲကုန်ပါဦးမယ်....

အဓိကကတော့ ရသစာပေပြန်လည်တောက်ပလာရေးအတွက်....အထူးသဖြင့် လူငယ်တွေကိုစင်တင်ပေးဖို့၊
အယ်ဒီတာတွေ ဒီထက်ပိုပြီး အရည်အချင်းပြည့်ဝဖို့၊ပေါ်ပင်တွေချည်းပဲ အားမပေးဖို့...၊
ဝတ္ထုရေးဆရာတွေ မယောင်တာဆီမလူးဖို့(၀တ္ထုရေးဆရာတွေက ပတ်ဝန်းကျင်ထိန်းသိမ်းရေးဆောင်းပါးတွေ၊အေအိုင်ဒီစက်ရောဂါဆောင်းပါးတွေ
ရေးနေတာကိုလဲ ထောက်ပြပြောဆိုသွားခဲ့ပါတယ်...) စသဖြင့်..
ဘက်စုံဒေါင့်စုံကနေ ဆရာကြီးများက ဆွေးနွေးသွားပေးသွားကြပါတယ်....
(ဒီနေရာမှာ တစ်စုံတစ်ခုသော သဘောထားကွဲလွဲစရာများရှိလာပါက ကျမ၏ပြန်လည်တင်ပြပုံမှားယွင်းခြင်းကြောင့်သာလျှင်ဖြစ်ပါတယ်...)
အဆင်ပြေတဲ့အခါလဲ အင်တာဗျူးအစအဆုံးတင်ဖြစ်မယ်လို့ မျှော်လင့်ပါတယ်..။

ကျမ ဂျာနယ်တွေလဲ ဖတ်ပါတယ်.....။နေ့တိုင်းနီးပါးကို ပိုက်ဆံအကုန်ခံပြီးဝယ်ဖတ်ပါတယ်....။
ကျမတွေ့ရတာလေးတွေကိုပြန်လည်ပြောပြလိုပါတယ်....
မြန်မာပြည်မှာ တစ်နေ့ကိုဂျာနယ်စောင်ရေ အနည်းဆုံး 5စောင်ကနေ 7 စောင်လောက်တော့ ထွက်ပါတယ်...။
သူ့ထက်များချင်သာ များပါလိမ့်မယ်...။အဲ့ဒိထဲမှာ အများဆုံးကတော့ ဘောလုံးဂျာနယ်ပါ...။

ဘောလုံးဂျာနယ်တွေထဲမှာ ဘောလုံးနဲ့ ပတ်သက်တဲ့ ဘောလုံးပညာရပ်ဆိုင်ရာအကြောင်းအရာများ၊
ကစားပြီးတဲ့ ပွဲရလဒ်များ၊(ပရီးမီးယားလိဂ်ဘောလုံးပွဲများအကြောင်းဆို ပိုမိုစုံလင်ပါသည်)
နိုင်ငံတကာ ဘောလုံးဆောင်းပါးများ(ဘာသာပြန်များ)၊မြန်မာဘောလုံးအသင်းအကြောင်းများ၊
မြန်မာအားကစားလောကတိုးတက်ရေးဆောင်းပါးများ...စသဖြင့် စုံစုံလင်လင်နဲ့ထုတ်ဝေတဲ့
ဂျာနယ်များလဲ ရှိပါတယ်....အရေအတွက်အားဖြင့်လဲ လက်ချိုးရေလို့ရသပေါ့လေ...။
အဲ့လိုဂျာနယ်မျိုးလဲ ကျမဖတ်ပါတယ်....။

နောက်ပြီး "တစ်လုံး" လို့ ခုခေတ်လူတွေပြောပြောနေတဲ့ ဘောလုံးပွဲလောင်းဖို့ကြေးအကြောင်းများ...
အပေါ်သင်းနိုင်၊အောက်သင်းနိုင်၊ပရီးမီးယားလိဂ်၊စီးရီးအေ၊စပိန်လာလီဂါ၊ဘွန်ဒက်စ်လီဂါ....ယနေ့ညပွဲ
ပွဲကြို အထောက်အကူပြု....အပေါ်သင်းနိုင် 50 %စား ၊40 % စား စသဖြင့်.....
လောင်းကစားအတွက်သာလျှင်အထောက်အကူပြုတဲ့စာမျက်နှာများ၊
မက်ဆီ၊ရော်နယ်ဒို၊ဘယ်သူရွှေဘောလုံးဆုရမလဲဆိုတဲ့ဆောင်းပါးများ၊
ဆားဘီးယား တင်းနစ်မယ် ယန်ကိုဗစ်ပုံအပြည့်နဲ့ ဂျာနယ်များလဲ ဖတ်ဖြစ်ပါတယ်....။
အားကစားဂျာနယ်တွေအပြင်...တခြား...


ပြည်တွင်း၊နိုင်ငံတကာ၊အားကစား၊အိုင်တီ၊အင်တာနက်၊အနုပညာစသဖြင့် အစုံပါတဲ့
သတင်းဂျာနယ်များလဲဖတ်ပါတယ်...။
အဲ့ဒိထဲကမှ အနုပညာရပ်ဝန်းလေး(ရုပ်ရှင်နဲ့ ဂီတ)အကြောင်းကွက်ပြီး ကျမဖတ်ဖြစ်တာလေးတွေပြောချင်ပါတယ်...။

ကျမတို့ဆီမှာ အရင်တုန်းက အဖွဲ့ဖွဲ့ပြီး သီချင်းဆိုခဲ့တဲ့သူတွေက
ခုနိုင်ငံကျော်မင်းသားတွေဖြစ်လာကြတယ်...။
ခုခေတ်က အရင်စိုးသူတို့၊ရဲအောင်၊ရန်အောင်တို့လို မင်းသားက အဆိုတော်လုပ်တဲ့ခေတ် မဟုတ်တော့ဘူး၊
အဆိုတော်ကနေ မင်းသားလုပ်တဲ့ခေတ်..။

အဲ့လို အဆိုတော်ကနေ မင်းသားလုပ်လာကြတာတွေလဲရှိတယ်...။
ပိုက်ဆံချမ်းသာလို့ မိဘကပရိုဂျူဆာ၊ သားက မင်းသား..အဲ့ဒါမျိုးလေးတွေလဲ ရှိတယ်.....။
အရိုက်များတဲ့ကားတွေကတော့ အမေအရွယ်ရောက်နေကြတဲ့
မို့မို့မြင့်အောင်၊မေသန်းနု၊မေသဉ္ဖာဦး၊မျိုးသန္တာထွန်း...စသူတို့နဲ့တွဲပီး
ကိုငှက်သီချင်းတော်တော်များများကို ထည့်လို့သုံးကာရိုက်တတ်ကြသော
အမေနဲ့ သားဆိုး(သို့)သိပ်လိမ္မာတဲ့သား ကားတွေနဲ့ ဟာသကားတွေပါ...။

ပြောချင်ရာတွေ ပြောတတ်တဲ့ကျမက မြန်မာကားတွေတော့ မကြည့်ပါဘူး၊
မကြည့်ရတဲ့ အကြောင်းရင်းတွေ အများကြီးရှိပါတယ်...။
ယေဘုယျအကျဆုံးအချက်က ကျမကို ဘယ်လို ရသမှမပေးနိုင်လို့ပါ...။
ရယ်စရာလုပ်ပြနေတဲ့မင်းသားကိုကြည့်ပြီး ကျမငိုချင်နေတတ်တယ်...။ငိုပြနေတဲ့မင်းသားကိုကြည့်ပြီး
ကျမအူနှိပ်ပြီး ရယ်နေမိတတ်တယ်...။
အဲ့လိုပြောင်းပြန်တွေဖြစ်နေရတဲ့အတွက် ကျမလုံးဝနီးပါးကို မကြည့်ဖြစ်ပါဘူး။

နောက်တစ်ခုရှိတာက ကျမကရုပ်ရှင်ကြည့်တာ ၀ါသနာမပါတာကြောင့်လဲ ဖြစ်ပါလိမ့်မယ်...။

ဒါပေမယ့် ဒါကိုပရိတ်သတ်ကို အချိုကျွေးတာလို့ ကျမကမသတ်မှတ်ရက်ပါဘူး
သူ့ဘာသာသူ ထုတ်လုပ်သူ၊သရုပ်ဆောင်သူ၊ကြည့်ရှုအားပေးသူ...သူတို့ဘာသာသူတို့ မျှတနေတဲ့၊
ပုံမှန်စီးဆင်းနေတဲ့ မြစ်တစ်စင်းပဲလေ...။

အထက်ကိုဆန်တက်သလား၊ရေစုန်ကိုမျှောဆင်းနေသလားတော့
သိချင်ရင် ၀ယ်ဖတ် ငွေတစ်မတ်ထဲ....။

ဒါပေမယ့်...အဲ့ဒိစီးနေတဲ့မြစ်ထဲကလူတွေက....စာမျက်နှာတွေပေါ်တက်လာပြီးတော့
ပရိတ်ကဘယ်လို၊ပရိတ်သက်ကဘယ်လောက်ထိပဲပေးလို့ရတယ်၊
ပရိတ်သတ်ကြိုက်မယ့်ဟာမျိုးပဲ ဖန်တီးနေရတယ်...စသဖြင့်...စသဖြင့်..
အော်လာတဲ့အခါတွေမှာတော့..............ဖတ်နေတဲ့ဂျာနယ်ကိုပဲ ကျမလွှတ်ချလိုက်မိတော့တယ်...။

နောက်ထပ်ပြောချင်တာက ဂီတအကြောင်းပါ...(အဟဲဟဲ ဆရာမကြီးလေသံက တစ်ပြားမှတော့မလျှော့ပါ)

မြန်မာပြည်မှာ ဂီတအဖွဲ့တွေ အတော်ပေါသလို တစ်ယောက်ထဲရပ်တည်နေကြသူတွေလဲရှိပါတယ်..
ခုနောက်ပိုင်း ခိုးကူးခွေကိစ္စပြဿနာတွေရှိသလို၊နိုင်ငံရေးအကြောင်းဆိုတာကလွဲပြီး ကျန်တာအကုန်ဆင်ဆာပေးနေတဲ့အချိန်အခါမှာတော့
ဘတ်စ်ကားပေါ်မှာ၊စတိုးဆိုင်မှာ၊လက်ဘက်ရည်ဆိုင်မှာ.....စတဲ့ Public Place တွေမှာ မိန်းကလေးတွေ
မျက်စိမျက်နှာပျက်ရလောက်တဲ့အထိ......မိန်းမတွေကိုကလော်ဆဲနေတဲ့စာကြောင်းတွေကိုလဲ ကြားရပါတယ်...။
ဒါလဲ ပေးသူ၊ယူသူမျှတနေကြပုံကျပါတယ်.............ဒါကိုဘယ်သူကမှ အပြန်အလှန်နှုတ်လှန်ထိုးတာမျိုးမကြားရဘူးပါ..။
(ဟိုတစ်လောကတော့ ကောင်မလေးနှစ်ယောက်ဆိုတဲ့သီချင်းတစ်ပုဒ်မှာ မိန်းမတွေငွေမက်တဲ့အကြောင်းကလွဲရင်
တခြားဘာတွေရေးနိုင်လဲ ဆိုတာမျိုးတော့ ကြားဖူးပါတယ်...)

အဲ့ဒိမြစ်ထဲကလူတွေကလဲ စာမျက်နှာပေါ်တက်ပြီး မိန်းမတွေကဘာ၊မိန်းမတွေကဘယ်လို၊ပရိတ်သတ်က သိပ်အများကြီး
ပေးလို့မရဘူး၊သူတို့ အကြိုက်ပေးနေရလို့ပါ....စသဖြင့်...စသဖြင့်စကားသံတွေကိုစကားလုံးများအဖြစ်
ပြန်လည်ဖော်ပြပေးနေတဲ့ ဂျာနယ်တွေဖတ်ရတဲ့အခါ........

ဒီတစ်ခါတော့ ကျမလွှတ်မချတော့ပါဘူး....၊ဘာလုပ်လိုက်ရမှန်းမသိလို့ သိမ်းထားလိုက်တယ်..............။