သူ့ ဘေးနားက ဘ၀များ

ကြေးအိုးဆိုင်မှာ ဖြစ်ပါသည်။သူနဲ့ သူ့သူငယ်ချင်း၂ယောက်နဲ့ကြေးအိုးသောက်ရင်းစကားဖောင်ဖွဲ့နေကြမိသည်။
ခဏနေတော့တစ်ဖက်စားပွဲဆီက ကျယ်ကျယ်လောင်လောင်အသံတွေ ထွက်လာသည်။လှည့်ကြည့်လိုက်တော့ အသားဖြူဖြူဗိုက်ရွှဲရွှဲလူကြီးတစ်ယောက်နဲ့ စားပွဲထိုးလူငယ်လေးနဲ့ ပြဿနာ ဖြစ်နေကြတာ..။ ပြဿနာဆိုတာထက် ဗိုက်ရွှဲရွှဲလူကြီးရစ်သမျှ လူငယ်လေးက ခေါင်းလေးငုံ့လို့ ခံနေရတာဖြစ်သည်။

သူတို့လဲ သတိလက်လွတ်ငေးကြည့်နေမိသည်။လူကြီးက ဟန်းဖုန်းကို မာန်ပါပါနဲ့ ပြောနေသည်။ဟန်းဖုန်း ပြောရင်းကပဲ သူစားပြီးသမျှ ပိုက်ဆံရှင်းနေရင်းကမှ လန်ဒန်တစ်လိပ်ဆိုလား၊တစ်ပွဲဆိုလား မှာနေသည်။ စားပွဲထိုးကောင်လေးက သူဘာဖြစ်ချင်တာလဲမရှင်းလို့ ခဏရပ်ပြီး သူဖုန်းပြောပြီးတဲ့အထိ ဘေးနားမှာ ရို့ရို့လေးရပ်ပြီး စောင့်နေသည်။အဲ့ဒါကို ဘယ်ကဘယ်လို စိတ်ကထဖောက်သလဲ မသိပါ။ထအော်ထည့်လိုက်တာ ငယ်သံငယ်ရင်းပါတဲ့အထိ၊စားပွဲထိုးလေးကို အသားလွတ်ထဟောက်တာ ဖြစ်သည်။

သူတို့သူငယ်ချင်းသုံးယောက်လုံး မျက်လုံးလွှဲမိလိုက်ကြသည်။ဆက်လဲ မကြည့်ချင်တော့၊ဆက်လဲ မကြည့်ရက်တော့။ကောင်လေးက သူတို့နဲ့မှ ရွယ်တူရယ်..။သူရှက်နေမှာ သူတို့စိုးမိပါသည်။ဘယ်သူပဲဖြစ်ဖြစ်
ကိုယ်နဲ့ရွယ်တူတွေရှေ့မှာ အဆူခံ၊အဆဲခံရရင် အရှက်ကွဲသလို ခံစားရတတ်ပါသည်။ခုလို အခြေအမြစ်မရှိပဲ
အဆူခံ၊အဆဲခံနေရရင် ပိုဆိုးတော့မပေါ့.....။

နောက်တော့ ဘယ်လိုကိစ္စပြတ်သွားသလဲတော့ မသိပါ..။အသံတွေငြိမ်သွားပြီး ခဏနေတော့ ဗိုက်ရွှဲရွှဲလူကြီးက
သူတို့ စားပွဲဝိုင်းဘေးက ဖြတ်သွားရင်းသူတို့သုံးယောက်ကို ဘုကြည့်ကြည့်သွားသည်။သူလဲ ဘယ်ရမလဲ..
မိုက်ဂိုက်နဲ့ ပြန်ကြည့်ပေးလိုက်သည်။နောက်ပြီး အဲ့ဒိလူကြီးမျက်လုံးထဲက အရိပ်တစ်ခုကို မရရအောင် ဖမ်းလိုက်
နိုင်သည်။ဒီလူ ရှက်ရမ်းရမ်းသွားတာမှန်း သူသိလိုက်ပါသည်။သူ့ဘာသာသူ မဟုတ်တာ၊မတရားတာ လုပ်ပြီး သူ့လုပ်ရပ်ကိုလဲ ဘေးလူတွေကမြင်သွားတော့ သူ့လိပ်ပြာသူမလုံဖြစ်နေတာ....ခံပေါ့........၊
မဟုတ်တာ၊မတရားလုပ်နေတဲ့သူမှန်သမျှ ဒီလိုပဲခံရမှာပဲ...ပိုပြီးခံစားရမှာက အဲ့ဒိစားပွဲထိုးကောင်လေးလိုမျိုး ရိုးသားတဲ့လူတွေအပေါ်မှာမှ မဟုတ်တာလုပ်ရင် ပိုပြီးကိုယ့်လိပ်ပြာကိုယ်ရှက်ရမှာပဲ...........။
လူတစ်ယောက်ထဲဆိုလဲ ရှက်ရမှာပဲ..လူအဖွဲ့အစည်းနဲ့ဆိုလဲ ရှက်ရမှာပဲ.....ဒါလောကနိယာမ..။နှေးတာမြန်တာပဲ
ကွာလိမ့်မယ်.........သူ့စိတ်ထဲကစကားတွေကို ဘေးကသူငယ်ချင်း၂ ယောက်ကို ပြောပစ်လိုက်မိတယ်။

ဒီလိုလူမျိုးတွေက ပိုက်ဆံတွေ ရေလိုပေးပြီး စားရတဲ့စားသောက်ဆိုင်၊အရက်ဆိုင်တွေမှာ ပိုက်ဆံပေးပြီး
ပြောချင်ရာပြောလေ့၊ခိုင်းချင်သလို ခိုင်းလေ့ရှိတဲ့ အမူအကျင့်ကို ဒီလိုကြေးအိုးဆိုင်ရောက်တဲ့အထိ မဖျောက် နိုင်ကြဘူး။နေရာဒေသမှားပြီး ရောက်လာတယ်လို့ သူတွေးမိတယ်....။

ဒါမျိုး အဖြစ်အပျက်တွေ၊ဒီလိုမျိုး ကိုယ်တွင်းမာနကို အဆမတန်ချိုးနှိမ်ပြီး ငုံ့ခံနေရတဲ့ ဘ၀တွေ သူ့ဘေးနားမှာ များလှပြီ..။အမှန်တရားကို သိသိကြီးနဲ့ ခေါင်းငုံ့လည်စင်းခံနေရတဲ့ ဘ၀တွေနဲ့........ခေါင်းပေါ်တက်ပြီးမှ ခြေသုတ်ချင်တဲ့သူတွေနဲ့ပတ်သက်ရတဲ့ဘ၀တွေ...အဲ့လိုဘ၀တွေ သူတို့ဆီမှာ များလှပြီ....။

ဝက်သားဒုတ်ထိုးဆိုင်မှာ သူ့ချစ်သူရဲ့ဘလောက်စ်လှလှလေးပေါ်ကို ရေဖိတ်ကျလို့ ဆိုင်က စားပွဲထိုး ကလေးကို မင်းအနားမလာနဲ့တော့လို့ ရင့်ရင့်သီးသီးပြောလွတ်တာ...အစားအသောက်စားပြီးလို့ ပိုက်ဆံရှင်းခါနီးမှာ လုယက်ပြီး ရှင်းကြရင်းက ဘယ်သူ့ဆီကပိုက်ဆံကို ယူရမှန်းမသိဖြစ်နေတဲ့ စားပွဲထိုးကလေးတွေကို အော်ငေါက်ပစ်ကြတာ..............။
အဲ့ဒါမျိုးတွေကျတော့ ချစ်သူစုံတွဲတွေက လုပ်လေ့ရှိတယ်..တချို့သော စုံတွေတွေမှာ ချစ်စ၊ကြင်နာစမို့လားတော့ မသိဘူး။မိန်းကလေးကလဲ လိုအပ်တာထက် ပိုပြီးကဲပြ ၊သဲပြသလို ယောက်ျားလေးလုပ်သူကလဲ သူရဲကောင်းကြီး လုပ်ပြရ..နဲ့. .ကြားထဲက မြေဇာပင်အဖြစ် မလုပ်တတ်၊ မကိုင်တတ်တဲ့ ကလေးငယ်လေးတွေ........
ရှက်နေရုံ...ကြိတ်ပြီး ငိုကြွေးနေရုံကလွဲပြီး ဘာများတတ်နိုင်ပါ့မလဲ...။

ဒီပုံပြင်မှာ ဘယ်သူကမတရားတာလဲ.........တဲ့...သီချင်းတစ်ပုဒ်ကြားဖူးတယ်..။
အဲ့ဒိသီချင်းလေးပဲ သူညည်းနေမိတော့တယ်.....။