စိတ်နဲ့ ကိုယ်နဲ့ ကိုယ်နဲ့စိတ်နဲ့....မော....ဒယ်....

စိတ်ကူးစီစဉ်ထားတာက ရေးထားတဲ့ကဗျာလေးတစ်ပုဒ်တင်မလို့။ဒါမဲ့မေ့တတ်တဲ့ဒီအကျင့်က ခြစ်ထားတဲ့စာရွက်လေးကိုမှမေ့ဖြစ်အောင် မေ့ရသေးတယ်။

ဒီတော့ အတင်းဆိုလဲဟုတ်၊အဖျင်းဆိုလဲဟုတ်တဲ့ အကြောင်းလေးတစ်ခုပဲပြောခဲ့တော့မယ် စိတ်ကူးတယ်.။။(ကြားဖြတ်ပေါ့..ညနေမှတခါအားရင် ရင်ဖျက်ပြီး ရေးထားတဲ့ကဗျာတင်တော့မယ်..ကိုင်း)

ဒီလိုပါ..။မြန်မာပြည်က လူငယ်အမျိုးသား(တချို့)တွေက (တချို့ ဆိုပေမယ့် တော်တော်များသောအရေအတွက်ဖြစ်ပါသည်။)
အမျိုးသမီးထုတစ်ခုလုံးကို ကလော်ဆဲချင်စိတ်ပေါက်နေတာ ကြာကြာခဲ့ပြီထင်ပါ့။
ဘာကြောင့်ဆို ဟိုတစ်လောက ကလေးကစားစရာအရုပ်နာမည်နဲ့ HiP H0P သမားတစ်ယောက်ရဲ့ Black ခေါ်မလား သီချင်း ၃၊၄ ပုဒ်ထွက်လာပါတယ်။အားပေးလိုက်ကြတာ...သောက်သောက်ကိုလဲပဲ..။အားရစရာကြီးပေါ့။ဒါမဲ့ ကျမကြားရတဲ့ တစ်တွန်းတစ်စကတင်ကိုပဲ နားတွေ၊ပါးတွေပူထူသွားအောင်ဖြစ်ရတဲ့အထိ ရှက်စရာအင်မတန်ကောင်းတဲ့ စကားလုံးများနဲ့ စီထားတဲ့ Hip Hop သီချင်းပါ။(ဟစ်ဟော့ပ်တဲ့၊သူတို့က အဲ့လိုပြောတော့လဲ ကိုယ်လဲအဲ့လိုပဲ ပြောရတာပေါ့ :P )

သူက ကိုယ်ပိုင် Single ခွေတစ်ခွေမှ မထွက်ရသေးဘူးလို့လဲ သတင်းကြားပါတယ်။ဒါမဲ့ သူငယ်က တော်တော်လေးကို (ပေါက်)နှင့်နေပါပြီ။

ထွက်လာတဲ့သီချင်းတွေက အမေနဲ့သား၊မောင်နဲ့ နှမ၊အဖေနဲ့ သမီး တူတူနားထောင်ဖို့အသာထား၊ဖြတ်သွားဖြတ်လာ ကြားလို့မှ မသင့်တော်တဲ့၊ချက်ချင်းထွက်ဝေးရာကို ထွက်ပြေးရလောက်တဲ့ထိ ညစ်ညမ်းသော၊သေးသိမ်သော စကားလုံးများ၊အသုံးအနှုန်းများနဲ့ သီချင်းတွေ ထွက်လာတာပါ။ညစ်ပတ်တဲ့ သူ့စကားလုံးတွေကိုပေါ်လွင်အောင် ဖော်ညွှန်းဖို့ ကျမမှာစကားလုံးမရှိပါ။
သို့သော် သေချာတာကတော့ မိန်းကလေးထုကို ဆဲထားတာနဲ့ ဘာမှမထူးပါဘူး။သူတို့အရပ်နဲ့ သူတို့ဇတ်နဲ့ဆိုပေမင့် နားထောင်သူတွေသည် ပြည်သူလုထုပါ။လူ့အလွှာပေါင်းစုံကပါ။သို့ကလို လူအလွှာပေါင်းစုံက လူတွေလိုက်ဆိုတော့ ဘာဖြစ်လာသလဲ။လူ့အလွှာပေါင်းစုံရဲ့ပါးစပ်ထဲ အဲ့သီချင်းတွေ၊အဲ့ဒိစကားလုံးတွေရောက်လာပါတယ်။အဆိုးဆုံးကတော့ အမှား၊အမှန် သေချာမဆန်းစစ်နိုင်သေးတဲ့ အသက်4နှစ်၊5 နှစ်အရွယ် စကားပြောတတ်စကလေးအရွယ်ထိ အဲ့စကားလုံးတွေရောက်ကုန်ပါတယ်။ယိုသူမရှက် မြင်သူရှက်ပါ။ကြားရတဲ့ သူက ဟဲ့နင့်ပါးစပ်ခုပိတ်လိုက်စမ်း၊နောက်တစ်ခါနင်အဲ့ဒါမျိုး ဆိုရဲဆိုကြည့် ငါနဲ့တွေ့မယ် လို့အထိ တားဆီးပိတ်ပင်မိတယ်၊(တားမြစ်ပိတ်ပင်ဆိုတာကို လေသံလေးတောင် ကျမမကြားချင်ပေမယ့်)
ဒါပေမယ့် ကျမအိမ်ကောင်လေးက နောက်ထပ်ထပ်ဆိုပါတယ်။သူလဲ ရွတ်စရှိတော့ ချက်ချင်းရပ်မရဘူးထင်ရဲ့။ဒီတစ်ခါတော့ မနာနာအောင် အရင့်သီးဆုံးစကားလုံးရွေးပြီး ပြောပစ်လိုက်တယ်။ဟဲ့ နင့်မလဲ အစ်မတွေ၊နှမတွေရှိတယ်မလား၊ဘာလို့ အဲ့ဒါကြီးကိုနင်ရွတ်နေတာလဲ။နင်မရှက်တတ်ဘူးလား...ဟင်..ဆိုတော့၊အာာာာာာာာ..မကြီးဖိုးဒီကလဲ မရွတ်တော့ဘူးဆိုပြီး အောင့်သက်သက်မျက်နှာနဲ့...။

တကယ်ကိုပဲ စကားပြောတတ်စအရွယ်၊သီချင်းတွေကိုလိုက်ရွတ်တတ်တဲ့အရွယ်ကလေးတွေကစပြီး အသက် 15 နှစ်လောက်၊သို့မဟုတ် အချို့သောအသက် ၁၈နှစ်အောက်လူငယ်တွေကသူတို့တွေရဲ့ပရိတ်သတ်တွေပါ။ရေရေလည်လည်အားပေးတာပါ။
ကျမတို့ သီချင်းကိုရူးသွပ်ခုံမင်တာထက် အများကြီးရင့်တဲ့ ရူးသွပ်မှုမျိုးနဲ့ သူတို့က Hip Hop ကိုရင်ခုန်ကြတဲ့လူငယ်တွေပါ။

အဲ့ဒိ ပရိတ်သတ်ထုရှေ့မှာ Represent လုပ်ပြီးရပ်နေတဲ့ အနုပညာရှင်နာမည်ခံထားသူတစ်ယောက်ဟာ ဖရုဿဝါစာကို ပါးစပ်ကတရပ်စပ်ထွက်လာတာဟာ ကျမအတွက်မယုံကြည်နိုင်သော အမှန်တရားတွေပါပဲ။ဒိထက်ပိုမှန်ပြီး ပိုကြောက်စရာကောင်းတာက လူငယ်ထုတစ်ရပ်လုံးက သူ့သီချင်းတွေကိုအားရပါးရ လိုက်ဆို၊လိုက်ရွတ်နေကြတာပါပဲ။ရှေ့ကခေါင်းဆောင်ပြီး ဆဲမယ့်သူ၊မရှိသေးတော့ ဆဲမယ့်သူလဲ ထွက်လာရော အားကိုးတကြီးနဲ့ ဦးညွှတ်ပြီး လိုက်ဆဲကြတော့ပါပဲ။

သူကတော့ သီချင်းလုပ်ဆိုတာပါ။လူထုကြားထဲရောက်လာတော့ ဒါဟာ ဆဲဆိုနေတာနဲ့ တူတူပါပဲ။

ဆရာသုမောင်ရေးတဲ့စာတစ်ပုဒ်ထဲမှာ ဆရာ့အမေ အမေညိုက သူ့သားကိုေ_ာက်ပြောလို့ ဟဲ့ သားရယ်နင့်မလဲ မိန်းမတစ်ယောက်ရဲ့ပစ္စည်းကိုများ ကိုယ့်ပါးစပ်ထဲထည့်ပြောရတယ်လို့ဟယ်....တဲ့။အဲ့ဒိကထဲက ကျနော်လဲပြောခါနီးတိုင်းတစ်မျိုးကြီးဖြစ်နေတော့တာပဲတဲ့...။(ဖတ်ဖူးတာပါ။စာလုံးကျ မှားကောင်းမှားနိုင်ပေမယ့် သဘောတရားကတော့ မလွဲလောက်ဘူးလို့ထင်ပါတယ်။)

ဆိုတော့ ဒီသီချင်းသာအမေညိုရှိသေးလို့ ကြားခဲ့ရင် ဘာလောက်တောင် စိတ်ဆင်းရဲလိမ့်မလဲမသိပါ။အမေညိုမှ မဟုတ်ပါ။အမေတိုင်း ကြားလိုက်ရရင် ကြက်သီးတဖြန်ဖြန်းထလောက်တဲ့အထိ စကားလုံးတွေပါ။

ကိုယ့်ဖန်တီးမှုသည် အဆိပ်ဖြစ်နေတာလား၊အားဖြစ်စေတာလား ဆိုတာလောက်တော့ သတိချပ်သင့်သည်ဟု ထင်ပါသည်။


(မှတ်ချက်၊ဝေဖန်ရေးသည် ကိုယ်ကြိုက်တာ၊မကြိုက်တာကိုပြောခြင်းမဟုတ်လို့ ကြားဖူးနားဝရှိခဲ့ဖူးပါသည်။ဒီစာသည် ကျမကြိုက်ခြင်း၊မကြိုက်ခြင်းများနှင့် မပတ်သက်၊မနှီးနွှယ်ပါ။ရင်မော၊ရင်နာလွန်းသဖြင့် ရင်ဖွင့်ခြင်းမျှသာ ဖြစ်ပါသည်။နောက်ပြီးသည်းခံဖတ်ပေးကြတဲ့ ဘလောဂ့်ရပ်မှ အစ်ကို၊အစ်မမောင်နှမများကို ကျေးဇူးလဲတင်တောင်းလဲပန်ပါသည်။ဘာကြောင့်ဆိုတော့ ကျောင်းပြေးတဲ့သူတွေကိုဆူနေတဲ့ ဆရာရဲ့စကားသံကို ကျောင်းလဲတက်ရဲ့နဲ့ ကြိတ်မှိတ်သည်းခံပြီးနားထောင်နေရသလို ဖြစ်နေပြီလို့ ရေးပြီးမှတွေးမိလို့ပါ)