ခေါင်းကိုက်ခြင်း

တဒိတ်ဒိတ်နဲ့ ညကြီးအချိန်မတော်တိုင်တဲ့အထိ မပျောက်နိုင်အောင် ကိုက်ခဲနေတဲ့ ကျနော့်ရဲ့ ဦးခေါင်းထဲက ဦးဏှောက်ကို ဖောက်ထုတ်ပြီး တစ်နေရာရာကိုသာလွှင့်ပစ်ချင်မိတော့တယ်။

ကျနော့်အခန်းလေးကများ သိပ်ပြီးကျဉ်းမှောင်နေလို့လား..။

အသက်၀၀ရှူလိုက်ရရင် ကျနော်နဲနဲများ သက်သာလေမလားဆိုတဲ့ အတွေးနဲ့ လေသန့်သန့်လေးရနိုင်ဖို့ အခန်းအပြင်ဘက်ကို ကျနော်ထွက်ရပ်မိတယ်..။

လေက မိုးငွေ့ပါတယ်..။ ပြင်းရှရှနဲ့ အနုဆုံးအလတ်ဆုံးလေကို ကျနော်ရှူရှိုက်ခွင့်ရတယ်..။

ကျနော့်စိတ်တွေအလိုလိုကြည်နူးလာတယ်..။ ခေါင်းကိုက်တဲ့ဝေဒနာလဲ ခဏတာတော့ သက်သာသွား သလိုရှိတယ်..။ခေါင်းသိပ်မာလွန်းတဲ့ကျနော်သူငယ်ချင်းတစ်ယောက်က သူဘယ်လောက် ခေါင်းကိုက် နေပါစေ၊ဘယ်တုန်းကမှ ကျနော့်လိုစိတ်ရှည်ရှည်နဲ့ အလိုလိုခေါင်းကိုက်ပျောက်သွားတဲ့အထိမစောင့်ပါ။သူ့အိတ်ထဲမှာ မပါမဖြစ်ပစ္စည်းတစ်ခုအဖြစ် ပါရာစီတမောလ်တွေ ကဒ်လိုက်၊ကဒ်လိုက် ရှိနေတတ်သည်။

"ဟေ့ရောင်..မင်းအဲ့ဒါတွေသိပ်မသုံးနဲ့ကွာ" လို့ ကျနော်ပြောသင့်မှန်း သိပေမဲ့ ကျနော်ဘယ်တုန်းကမှ မပြောဖြစ်ခဲ့ပါ။ဘာလို့ဆို အဲ့ဒိခေါင်းကိုက်တဲ့ဝေဒနာကို ကျနော်ကိုယ်ချင်းစာလုိ့ဖြစ်သည်။

စိတ်မြန်တဲ့သူ့အတွက် အဲ့ဒီလိုနည်းလမ်းကအဆင်ပြေဆုံးဖြစ်သည်။ မဟုတ်ရင် သူခေါင်းကိုက်လွန်းပြီး ဝေ့ပတ်ရမ်းတဲ့လူတွေထဲ ကျနော်ကထိပ်ဆုံးကပါလာမှာကို ကျနော်သိနေလို့ဖြစ်သည်။

အစာအိမ်နာနဲ့ အမြဲနှစ်ပါးသွားနေရတဲ့ ကျနော့်အတွက် သူ့လိုအလျင်အမြန်ပျောက်ကင်းမယ့် ဆေးတွေလဲ မှီဝဲလို့မဖြစ်နိုင်ပါ။

ဘာကြောင့်ကျနော်တို့သူငယ်ချင်းတွေ ခေါင်းကိုက်တတ်ကြမှန်းမသိပါ။ခေါင်းကိုက်ရောဂါဟာ ကူးစက်ရောဂါမဟုတ်ပေမယ့် ကျနော်တို့သူငယ်ချင်းတွေထဲမှာ တစ်စတစ်စနဲ့ လူစေ့အောင်ဖြစ်လာခဲ့သည်။ အဲ့ဒီခေါင်းကိုက်ဝေဒနာကို စတင်သယ်ဆောင်လာခဲ့သူက ကျနော်ဖြစ်သည်။

လွန်ခဲ့တဲ့ လေးနှစ်လောက်တုန်းက ကျနော်စတင်ခံစားခဲ့ရတဲ့ ခေါင်းကိုက်ဝေဒနာကို ကျနော်ပြန်လို့ပင်မစဉ်းစားချင်ပါ။ ခုပြန်တွေးရင် ခုတဒိတ်ဒိတ်ကိုက်လာသလို ခံစားရသည်။ဘာကြောင့်ဖြစ်နိုင်လဲဆိုတဲ့ ရောဂါ ဇစ်မြစ်ကိုလိုက်ရှာရင်းကပဲ ကျနော်လဲ မျက်မှန်လေးတစ်လက်အဖော်ရလာခဲ့သည်။

ပုံမှန်ကြည့်နေကျဖြစ်တဲ့ အမဲရောင်ကျောက်သင်ပုန်းနေရာမှာ အဖြူရောင်အစားထိုးလာတာ၊ နောက်ပြီး အဲ့ဒီအဖြူရောင်ပေါ်မှာ အနီရောင်နဲ့မှ လူ့သွေးကြောတွေ၊ကလီစာတွေကို ဆွဲပြတတ်တဲ့ ဆရာမကြောင့်ကျနော်ခေါင်းကိုက်တဲ့ဝေဒနာရခဲ့တာလို့ပြောတော့ ကျနော့်ကို မင်းငရဲကြီးမယ်လို့ သူငယ်ချင်းတွေက၀ိုင်းလို့အပြစ်တင်ကြသည်။

ခုတော့ သူတို့လဲကျနော့်ကို ကိုယ်ချင်းစာတတ်လောက်ပြီဟု ထင်ပါသည်။ကျနော်ကနေ စလိုက်တဲ့အဲ့ဒိခေါင်းကိုက်ဝေဒနာဟာ ခုဆိုကျနော်တို့သူငယ်ချင်း သုံးယောက်စလုံးမှာ ကူးစက်ခံနေရပြီဖြစ်သည်။

သူတို့ဆီကို အဲ့ဒိရောဂါရောက်တဲ့အချိန်မှာ ကျနော်ကဖြင့်ခေါင်းကိုက်ခြင်းနဲ့ နေသားကျနေခဲ့ပြီ။ဝေဒနာက သက်သာလာတာမဟုတ်ပဲ ဝေဒနာကိုခံနိုင်လာတာဖြစ်သည်။

အင်္ဂလန်နဲ့စင်ကာပူ ကနေ ဘွဲ့လွန်တွေယူပြီးပြီး လာတဲ့မိတ်ဆွေဆရာဝန်တစ်ယောက်ကတော့ အသက်သာဆုံးနဲ့လွယ်လင့်တကူအဖြစ်ဆုံးဆေးနည်းတစ်ခုကျနော့်ကိုပြောသည်။ မင်းခေါက်ကိုက်လာပြီဟေ့ဆိုတာနဲ့ ရေတွေတစ်ပုလင်းပြီးတစ်ပုလင်းသာသောက်ကွာ၊ ပြီးရင် အဲ့ဒိသောက်သမျှ ပြန်သာထုတ်ပစ်လိုက်။

အဲ့လိုဆို မင်းသက်သာသွားလိမ့်မယ် ..... မုချ ..... လို့ဖြစ်သည်။ကျနော် စမ်းသပ်ကြည့်ဖူးပါသည်။သူ့နည်းကအတန်အသင့် အဆင်ပြေပါသည်။

ကျနော့်မိခင်ကတော့ ၀မ်းတစ်လုံးကောင်းလို့ခေါင်းမခဲတဲ့...။"သားတို့ခေတ်ပညာတွေ သင်တာလဲသင်ပေါ့။ဒါပေမယ့်ရှေးအယူလဲမပယ်ရဘူး။ဝမ်းမှန်အောင်သာဂရုစိုက်"လို့ကျနော်နဲ့အဆက်အသွယ်ရတိုင်း ပြောတတ်သည်။ ဒါပေမယ့် မည်သို့မှမသက်သာခဲ့ပါ။ ကျနော့်မိခင်ကိုတော့ ခေါင်းကိုက်တာ သေကောင်ပေါင်းလဲရောဂါမဟုတ်ပါဘူး အမေရယ်လို့ ရယ်ရယ်မောမောနဲ့ ကျနော်ပြန်ပြောခဲ့မိခဲ့သည်။

ကျနော့်ချစ်သူကတော့ ဆေးလိပ်နဲ့အရက်ကိုလျှော့သောက်၊ နောက်ပြီးညနက်နက်ထိ သိပ်မနေနဲ့၊ အကျင့်ပျက်သလို ခေါင်းကိုက်တာအဲ့ဒါကြောင့်ရော မဖြစ်နိုင်ဘူးလားလို့ သတိပေးဖူးပါသည်။

ဟိုတလောဆီက ကျနော့်အိမ်နားကဈေးရှေ့မှာ မိတ်ဆွေဟောင်းတစ်ယောက်နဲ့ ပြန်တွေ့သည်။တွေ့တွေ့ချင်းသူကကျနော့်လက်ကိုအားရပါးရဆွဲကိုင်နှုတ်ဆက်သည်။ အလိုက်သင့်ပြန်နှုတ်ဆက်လိုက်ရင်းက သူ့လက်တွေအလွန်ပူနေတာကို သတိထားမိလို့ နေထိုင်ကောင်းရဲ့လားလို့ ကျနော်မေးကြည့်သည်။သူက သူ့ဦးဏှောက်ထဲမှာ အကြိတ်တွေလို့ ဓာတ်ကင်ကုထုံးနဲ့ ခုနေနေရသည်လို့ပြောတော့ကျနော် ခေါင်းနားပန်းကြီးသွားမိတာ ၀န်ခံရပါမည်။

ကျနော် တွေးကြည့်မိပါသည်။ ကျနော်သိသလောက်နဲ့တင် ကျနော့်ဘေးမှာ ခေါင်းကိုက်တဲ့ လူငယ်တွေ ကျနော်အပါအ၀င် သုံးယောက်ရှိသည်။

ကျနော့်လို လူငယ်တွေဘယ်လောက်များများ ခေါင်းကိုက်နေကြသလဲလို့ တောင်တောင်အီအီ ကျနော် စဉ်းစားကြည့်နေမိတာဖြစ်သည်။

ခေါင်းတစ်လုံးဆိုတာ ခေါင်းကိုက်နေရုံနဲ့ဆိုရင်တော့ ဘာမှအနက်အဓိပ္ပါယ်မရှိဘူးလို့ ကျနော်ထင်ပါသည်။

ဒါဆိုကျနော့်ခေါင်း၊သို့မဟုတ် ဦးဏှောက် ... အတူတူပါပဲလေ ...။ အဲ့ဒါကလဲ အဓိပ္ပါယ်မရှိတဲ့ ဦးဏှောက်ပေါ့..။

ကျနော့်လိုဘဲ ခေါင်းကိုက်နေတဲ့လူငယ်တွေကရော...။ ကျနော်ကလွဲပြီး တခြားလူတွေကို ကျနော် မည်သို့မျှ ထင်မြင်ချက်မပေးချင်ပါ။ ပေးဖို့လဲကျနော့်မှာ ခွန်အားမရှိပါ။

ဘယ်လိုပဲဖြစ်ဖြစ်.. မနက်ဖြန် မနက်မိုးလင်းရင် အဆင်ပြေအောင် အရင်းထိရောက်နေတဲ့ ဆေးပေါ့လိပ်တိုကို လက်ထဲကပစ်ထုတ်ပြီး၊ ရေအေးအေးတစ်ခွက်သောက်လို့၊ အခန်းထဲ ပြန်ဝင်ပြီး ကျနော်အိပ်သင့်ပြီ။

ဒါမှ ဒီလိုမှ မဟုတ်ရင် ကျနော့်ခေါင်းတွေကွဲထွက် မသွားနိုင်ဘူးလို့ ကျနော်အာမ မခံရဲပါ။

ကျနော်ခေါင်းတွေကွဲထွက်မသွားခင် ခုလိုအရည်မရ အဖတ်မရတွေစဉ်းစားနေမိတဲ့ ကျနော်ခေါင်းကို ခေါင်းဦးပျော့ပျော့လေးပေါ်တင်ပြီး အနားပေးလိုက်ပါဦးမည်.။