အလွမ်းလွန်ရာသီ (မင်းထက်ခိုင်)

ခံစားချက်တွေ တင်းကြမ်းပြည့်လျှံနေလည်း
ကဗျာရေးဖို့ အလွမ်းမသင့်
ကဗျာဆိုတာ အလွမ်းရင့်မှ ရတတ်တာမျိုး။ ။

ကောင်းကင်ကိုကြည့်ပြီး
မြေကြီးကိုချစ်တတ်သူတွေဟာ
ကမ္ဘာဦး သူရဲကောင်းတွေပေါ့။

တစ်ဦးတစ်ယောက်၊တစ်ရုံးတစ်စည်းခံတွင်းမြိန်ဖို့ဆိုတာ
ခံစားနာကျင်မှုတွေရှိဖို့လိုတယ်။
မနက်ဖြန်ကိုမျှော်လင့်ထားရင်
အဲ့ဒီမျှော်လင့်ရာတွေ ကိုယ့်ဆီပြန်လာပါလိမ့်မယ်....။

ဆင်တစ်ဖက်၊မြင်းတစ်ဖက်ဖြစ်နေတဲ့
ဟောဒီအမိုးအကာထဲ ခိုလှုံဖို့ဝေးလို့
စိတ်ကူးအိပ်မက်တွေတောင် ကစဥ့်ကလျားနဲ့မို့
မွေးဖွားသန့်စင်ထားတဲ့ အနှစ်လေးတွေပြန့်ကျဲမသွားအောင်
သေသေချာချာ သိမ်းဆည်းထားရရဲ့။ ။

လမ်းသင့်လို့ ခြေဆန့်မိလည်း
အလွမ်းမသင့်တဲ့ အရိပ်မှာ မခိုလှုံချင်
ခေါင်းခါးခြေလက် မပျက်သေးသမျှ
ယုံကြည်ချက်တွေကို တန်ဖိုးထားချစ်နေရဦးမယ်.
ဖြတ်သန်းမှု နှစ်ကာလ၊လောကဓံဆူးတို့ပွန်းရှ
ဘ၀တံခါးသော့ မပိတ်သေးသရွေ့
ကဗျာနေ့ ကဗျာည
ကဗျာနေ ကဗျာလနဲ့
မျှော်လင့်ချက်တွေကိုရွှေချထားဦးမယ်။ ။

မင်းထက်ခိုင်
(ချယ်ရီမဂ္ဂဇင်း)

ထုံးစံအတိုင်းပါပဲ။လတ်တလောစိတ်ခံစားမှုများနဲ့ တထပ်တည်းကျနေတဲ့အတွက် ဒီကဗျာလေးကို ပြန်ခံစားမိ ပါတယ်။အရင်တုန်းကလဲ ဘလော့မှာတင်ဖူးတယ်။ကဗျာဆရာအန်ထုတ်ထားတဲ့စကားလုံးတွေအတိုင်းပါပဲ။ အလွမ်းတွေတင်းကြမ်းပြည့်နေသော်လည်း ပြည့်လွန်းလို့ကို ဘာမှထွက်ကျမလာတော့ပါဘူး။