***( ကြိုးစားပြီး)

ခဲရောင်အတုံးလေးချပြီး မေ့-ပျောက်ထားခဲ့တဲ့

မိတ်ဆွေဟောင်းတချို့နဲ့

*(ကြိုးစားပြီး)

စကားပြန်ပြောတယ်။

လတ်လတ်ဆတ်ဆတ် မိတ်ဆွေသစ်တချို့နဲ့

*(ကြိုးစားပြီး)

မိတ်ဖွဲ့တေးဆိုတယ်။

အလွန် သွေးချင်းနီးခဲ့တဲ့ ရဲဘော်တွေနဲ့

*(ကြိုးစားပြီး)

ပျော်အောင်နေတယ်။

နှစ်သက်ခဲ့ဖူးတဲ့ ၀တ္ထုဟောင်းတွေနဲ့

*(ကြိုးစားပြီး)

ခံစားရင်ခုန်တယ်။

ရူးမတတ် မှိုင်းမိခဲ့တဲ့ သီချင်းဟောင်းတွေနဲ့

*(ကြိုးစားပြီး)

ကိုယ့်နှလုံးသားကို နူးညံ့စေတယ်။

ဖတ်နေဆဲ မြန်မာပြည်ထုတ် ဂျာနယ်တချို့နဲ့

*(ကြိုးစားပြီး)

သတင်းဆာလောင်မှုကို ဖြေဖျောက်တယ်။

...

.....

........

ပြီးတော့ အတိုင်းမသိ ရိုးသားတက်ကြွခဲ့ဖူးတဲ့ ကိုယ့်ကိုယ်ကို

*(ကြိုးစားပြီး)

ပြန်လည်ရှာဖွေနေတယ်။

Mirror

24-12-2011